सिधा कुराको नामै फेरियो : अब हेल्लो प्रधानमन्त्री, हुनेछैनन् रबी लामिछाने ! (भिडियो)

काठमाडौँ । अघिल्लो पटक केपी ओली प्रधानमन्त्री हुँदा पत्रकार रवी लामिछानेले चलाएको ‘सिधा कुरा प्रधानमन्त्रीसँग’ को नाम अब फेरिने भएको छ । नाम फेरिएर अब ‘हेल्लो प्रधानमन्त्री’ हुने भएको छ । नाम मात्रै हैन प्रस्तोता पनि अब रबी रहने छैनन् अर्कै हुनेछन् । तर रबीको सिधाकुरा जनतासँग भने यथावत चल्ने नै छ । हेल्लो प्रधानमन्त्री सुरू हुने भएपछि सोमबार त्यसकोबारेमा जानकारी दिन एक कार्यक्रम आयोजना गरिएको थियो । सोही कार्यक्रममा प्रधानमन्त्री केपी शर्मा ओली सामाजिक सञ्जाल र संचार माध्यममा बढ्दो नकारात्मक प्रवृत्तिबारे कडा रूपमा प्रस्तुत भएका थिए ।

प्रधानमन्त्रीसँग सिधा कुरा कार्यक्रम बाबुराम भट्टराई प्रधानमन्त्री हुँदा सुरू भएको थियो । पत्रकार नवराज लम्सालले कार्यक्रम चलाउँथे । ओली प्रधानमन्त्री हुँदा रबीले चलाएको कार्यक्रम प्रचण्ड प्रधानमन्त्री भएपछि फेरिएर वविन शर्माले चलाए । अब चल्ने हेल्लो प्रधानमन्त्री कस्तो हुँदैछ ? रवी लामिछानेले चलाउँदाको जस्तै चर्चित होला वा नहोला त्यो पछि थाहा होला । कथा नेपाल भन्ने संस्थाले हेल्लो प्रधानमन्त्री कार्यक्रम चलाउने छ । नेपाल टेलिभिजनमा चल्ने होल्लो प्रधानमन्त्री सुरूवात कार्यक्रममा प्रधानमन्त्री ओलीको यो टिप्पणी हेर्नुहोस् । विस्तृत यो भिडियो हेर्नुस्ः