काठमाडौँ । विश्वकप हेरीरहेका बेला झडप हुँदा चक्कु हानाहानको अवस्था सिर्जना भएको छ । घटना हो मोरङको । गएरातीे अर्जेन्टिना भर्सेस क्रोएसियाको खेल हेरिरहँदा दुईपक्षबीच भएको विवादमा चक्कु हानाहानको अवस्था उत्पन्न भएको छ ।
उर्लाबारी– ५ स्थित एरोमा होटलमा बिहीबार राति अर्जेन्टिना भर्सेस क्रोएसियाको खेल हेरिरहँदा दुईपक्षबीच भएको विवादमा चक्कु प्रहार भएको प्रहरीले बताएको छ । खेल सकिएपछि राति ३ बजे भएको विवादमा उर्लाबारी–३ का वडा सदस्य सचिन शाक्यले सोही वडाका विशाल तामाङमाथि चक्कु प्रहार गरेको र अवस्था निकै गम्भिर बनेको स्थानीयले बताएका छन् ।
शाक्यको चक्कु प्रहारबट तामाङ घाइते भएको र अहिले उनको उपचार भइरहेको बताइएको छ । गएरातीको खेलमा मेस्सीको अर्जेन्टिना क्रोएसियासँग ३ ० गोल अन्तरले पराजित भएको थियो ।
